destroict

Destroict, m. acut. Est un passage soit par mer, soit par terre, estranglé, serré, estroit et courté. Le mot vient de Districtus, qui signifie contraint, comme, Le destroict de Gibraltar, pour l'estroisseur de la mer Mediterranée, entre la poincte d'Afrique et celle d'Europe, en l'endroit appelé les Colomnes d'Hercules, entre les monts Calpé et Abyla, Fretum Gaditanum, Fretum Herculeum. L'Espagnol l'appelle aussi, Estrecho de Gibralcar. Et le destroict des chemins et montaignes, pour les estroictes entrées et accez, yssues et retours des montaignes, Angustiae ac fauces viarum ac montium. Au second livre d'Amadis, chap. 2. Et cheminerent si longuement qu'ils vindrent à un lieu, qui n'avoit de largeur en terre ferme, qu'environ la portée d'un traict d'Arc, et tout le reste estoit mer. Et continuerent ce destroict jusques à l'entrée de l'Isle. On dit aussi l'estroict de Fernand de Magaillans, c'est estroict passage de mer, par lequel sa flote passa aux Isles des Moluques, Fretum Austrinum, aut Magalianicum.

Estre tenu en un destroict, Angustiis teneri vel premi, voyez Estroict.

Thresor de la langue françoyse. Jean Nicot.